FRP- 7 - Kaqchikel Translation

OMB 0979-0278 [re’ man xtk’atzin ta chik pa 08/31/2025]

Richin yechajïx ri ak’wala’ chuqa’ ri familias

Oficina richin nkanöx kachoch ri kixqanen ki’ pa jun tinamït

Rub’anik’il Ri Retal Ruwi’ Q’ab’aj
¿Achike ninb’än taq ninya’ retal nuq’a’?

1. Tasik’ij eqal tanojsaj ri wuj nub’ij: Niya’ox Q’ij Richin Nitalux Ri Tzijol

2. Tataqa’ jun taqowuj o taqotz’ib’ chi re ri samajel richin ri wuj Niya’ox Q’ij Richin Nitalux Ri Tzijol tanojsaj
chuqa’ tawelesaj jun wuj akuchi' k’o awachib’äl. We man yatikir ta natäq ri wuj taqowuj o taqotz’ib’ ütz
tataqa’ pa taqowuj pa “express” richin chanin napon.

3. K’a ri’ we taq a taqon chik ri wuj Niya’ox Q’ij Richin Nitalux Ri Tzijol, ri samajel richin, nub’än jun
k’ulunem richin rub’anik retal ruwi’ q’ab’aj o nuya’ chawe jun wuj rik’in akuchi’ k’o wi’ ri samajay y rat
nab’än ri k’ulunem. We rat man yatikir ta yab’e pa samajay akuchi’ nib’an retal ruwi’ q’ab’aj, ütz katzijon
rik’in ri samajel richin naya’ retal ruwi’ aq’a’ ka’i’ b’ey.

4. Yab’e chi la’ pa k’ulunem richin ri retal ruwi’ q’ab’aj chupam ri ramaj akuchi’ xb’ix chawe. Ri Ochoch
Richin Winaqi’ Nikikanoj K’ak’a' Tinamït (ORR) man nib’an ta retal ruwi’ q’ab’aj pa nimasamajay. Ri
tojtob’enïk ri retal ruwi’ q’ab’aj xa xe nib’an akuchi’ nub’ij ri wuj.

5. K’a ri’ we yab’e pa k’ulunem richin retal ruwi’ q’ab’aj, tatzijoj chi r ri samajel richin we xab’än ri retal ruwi’
aq’a’. We samajel richin nub’ij chawe chi k’atzinel nab’än juley chik wuj o tojtobenïk richin nitz’ët we
qitzij xab’än yan ri wuj chuqa’ nitz’et we manjun amak ab’anon
¿K’atzinel k’o chi nintoj richin nelisäx retal ruwi’ nuq’a’?

Mani toj ta we rat yab’e akuchi’ b’in chawe chi nelesäx retal ruwi’ aq’a’. We rat yab’e juk’an chik k’ulunem ri man
k’o ta chupam ri wuj rik’in jub’a’ natoj.
¿Achike rub’anikil ninb’än richin nintz’ët ri rutzijol chi rij nuk’aslem chupam ri retal ruwi ’nuq’a’?

Ütz natäq jun wuj chi re ri samajel richin ak’wal we nawajo’ nanik’oj ri rutzijol ri retal ruwi’ aq’a’ richin FBI.
Chuqa’ yatikir nawoyoj ri Samajay Amaq’el ri Oyonïk ri ORR pa (800) 203-7001. Chuqa’ ütz natäq jun taqotz’ib
pa [email protected].
¿We manqitzijta ri rutzijol chirij nuk’aslem chupan retal ruwi’ nuq’a, tikirel ninch’ojij?

Ja’. We jun nito’on richin nitoj, jun rach’alal ri ak’wal o jun winäq jikib’an ruchajixik ri ak’wal chi re, ninnimaj chi ri
rutzijol che ri k’aslem richin FBI man qitzij ta, ütz nich’ojix ruma man qitzij ta ri rutzijol. Ri winäq nichajin ri
ak’wal ütz nitzijon rikin ri samajay yixtaqon richin ri rutzijol man qitzij ta. We rat k’a nawajo’ juley chik rutzijol chi
re ruma man ütz ta xb’an ri ruztijol ruk’aslem ri ak’wal, rub’anikil k’o chupam ri Ruq’atb’alil ri Pajotol Ab’ya Yala
(Los Estados Unidos) ri Taqonem Tzij Achameq’el ri 28 CFR § 16.34.
RI TAQONEM TZIJ RICHIN CH’UTINIRISÄX RI WUJ RI 1995 (Taqonem Tzij Ak’axanela’) 104-13): Ri samaj ricihin ri talun tzij ak’axanela’ ri rumolïk ri rutzijol niyaloj
jun ramaj rikin nik’aj jujun k’utunik roma nikinik’oj, nikisik’ij, nikimol i nikiyäk ronojel ri rutzijol. We jun nimasamajay majun ri ajilab’äl richin OMB rikin, man ütz ta
nuk’utuj chuqa’ man ütz ta nutoj ri rutzijol i chuqa’ jun winäq mantuya ru rutzijol chire xab’achike we manjun ri ajilab’äl richin OMB rikin. Tasik’ij ri wuj richin ri
ruchajin ri rutzijol Taqonem Tzij Ri Nichajin Ri Rutzijol Ak’aslemal richin nutz’et ruchojmil (1) ri k’amöl b’ey k’utunel richin ri rutzijol k’aslemal i we ri talutzij k’o
chi nib’än o we nawajo’ nab’än. (2) achike rukusaxik ri ruztijol k’aslemal. (3) juley chik rukusaxik ri rutzijol k’aslemal. (4) we man naya’ ta ronojel ri tzijob’äl richin ri
k’aslemal, k’o ru tojb’alil. We rat k’o achike nab’ij chirij ri jun moloj tzij, ütz kach’on rikin taqotzib: [email protected].

Wuj richin yeto’öx ri familias | Versión 14
FRP-7 (CAK) Rub’anik’il ri retal ruwi’ q’ab’aj
Xnuk’üx pa 02/10/2023

Ruxaq 1 richin 1